Koasoandihkan Ni Sounpar: Sounpar 4-5
Irehkan me re pahn anahne kasukuhlki oh esehla:
- Kaunopada ong tep skuhl
- Madmadau laud pwe en apwalihla mehkot apwal (Madmadau ong wia doaodoahk kesemwpwal)
- Sin kamwakid peh (Kamwakid en peh, sendin peh oh pikosin peh)
Iren kasusuhlkan de kamwadongkan
Doadoahngki sinkard de wiahda mwadong en repen mehkot me noumw serien pahn anahne rapahki dipwsou de mehkot me tepkihda soangen lepin inting de nempe.
Kiheng noumw serien pleidou pwe en katapwure, padik, oh wiahda mwomwen mehkot. Met pahn sowese pehrailkan en kehlail oh kalaude ahr ese pein wiahda mehkot.
Wia sains eksperimend me mengei me duwehte doaloahda peikin sohda oh piniker. Met pahn kasukuhlih irail duwen mehkot me wiawi oh me pwarada de sansalda mwuri.
Doadoahngki mehkot sang nimwomw duwehte sidakin de pwatin, oh indahng noumw serien en katohre ni koaloar, sais, oh mwohmw. Met pahn sowese irail ong madmadau me wehweh oh koahiek en madmadau.
Indahng noumw serien en soweseiuk wiahda soai ni oh kiheng uhk ah pilipil en soangen akder dah me pahn mih nan soaio oh dahme pahn wiawi nan soaio. Met pahn sowese irail doadoahngki ahr madmadau oh ngilarail.
Mwadong me mengei kin sowesehda seri en keirda mwahu! Soangen mwekid oh mwadong me pahn sowese irail esehla mwekid, keieng uhk, oh esehla me tohto sang ni ahr kehn de pehm mehkot. Met pil iangahki ansou en wonohn pohn kapehderail, keseng koul me malamal, oh mwadongki mehn mwadong.
Serihkan me koaiek en alu oh lokaiaier kin esehla oh koaiekla sang ni ahr kin mwadong! Iren mwadong me kaperenkan kin sowese irail en lokaia, doadoahngki pehrail, oh mwadongeng ekei. Met pil iangahki kosukda sin koakon de ploak, esehla koul, oh mwadong me alasang emen de kamwomwehda emen.
Ni soangen sounpar et, seri me koaiek en alu oh lokaiahier kin men esehla mehkot oh kin kehlail en mwekid! Soangen mwadong mengeikat kin sowese irail en kak esehla lokaia tohto, oh kin kahrehng ahr kin esehla mwadongehng iengerail.
Seri en Preskuhl kin pereniki esehda me tohto oh wiahda mehkot! Mwadong pwukat kin sowesekin irail ni pali en lokaia, madmadau, oh mwadong ong ekei. Met pil iangahki puzzels, soai sang puppet, oh alu nan sahpw de wel.
Serihkan kin kaunopehng skuhl ni ahr kin esehla mehkot sang ahr kin esehla de wia mwadong! Song wia mwadong me kaperen pwe en kak sowese irail ni pali en madmadau, lokaia, oh kamwakid palin wererail. Met pil iangahki pali en eksperimend en sains, koasoaiahda soai, oh mwadongen inting.
Ma komw anahne ekei mengihtik me pid ansoukan me seri kin lel ni ehu ehu kendakehn keirda kohla nan CDC's Developmental Milestones