Koasoandihkan Ni Sounpar: Sounpar 2-3
Irehkan me re pahn anahne kasukuhlki oh esehla:
- Kaiahn en esehla lokaia (Kekeidahn Lokaia)
- Kamwakid mwusel me laud oh tikitik (Koahiek en kamwakid en palinwar oh peh oh sendin peh)
- Idawehn koasoandikan
- Mwadong en mwomwehda wia mehkot me dene mehlel
- Esehla de kaiahn me pid pehpehm oh iengerail (Koaiek en patehng ekei aramas oh duwen pepehm)
Iren kasusuhlkan de kamwadongkan
Puzzles me laud kin sowese seri esehla mwomwen ahr pahn kapwungala mehkot me apwal de kamwahui ahr doadoahngki pehrail-meserail en mwekid pahrek.
Wiahda ngilen mahn oh indahng noumw seri me aluhier oh ese lokaia en songen indahda ngilen mahn dah mwo oh alasang nihlen mahno. Met pahn sowese irail lokaia oh rong mwahu.
Mweidehng noumw serien en widekih, touhkda, oh weisipki pil sang nan kep oh pekid. Met inenin mwahu ong mwadong me doadoahngki ahr salen pepehm oh doadoahngki mwusel en pehrail me tikitik.
Idih mehkot loalen de likin ihmw oh inda ederail. Met pahn sowese irail esehla lepin lokaia kapw.
Koasoane mehn mwadong de ploaks ni duwen mwahi de koaloar, sais, oh mwohmw. Met pahn sowese irail ren mwadang esehla duwen kapat oh katohrohr.
Mwadong kaperen, koul pitipit oh indahng noumw serien en mwekid oh kahlek. Met pahn sowese irail esehla duwen kamwakid pehrail oh nehrail pahrek oh pwakih ngilen keseng.
Mwadong me mengei kin sowesehda seri en keirda mwahu! Soangen mwekid oh mwadong me pahn sowese irail esehla mwekid, keieng uhk, oh esehla me tohto sang ni ahr kehn de pehm mehkot. Met pil iangahki ansou en wonohn pohn kapehderail, keseng koul me malamal, oh mwadongki mehn mwadong.
Serihkan me koaiek en alu oh lokaiaier kin esehla oh koaiekla sang ni ahr kin mwadong! Iren mwadong me kaperenkan kin sowese irail en lokaia, doadoahngki pehrail, oh mwadongeng ekei. Met pil iangahki kosukda sin koakon de ploak, esehla koul, oh mwadong me alasang emen de kamwomwehda emen.
Ni soangen sounpar et, seri me koaiek en alu oh lokaiahier kin men esehla mehkot oh kin kehlail en mwekid! Soangen mwadong mengeikat kin sowese irail en kak esehla lokaia tohto, oh kin kahrehng ahr kin esehla mwadongehng iengerail.
Seri en Preskuhl kin pereniki esehda me tohto oh wiahda mehkot! Mwadong pwukat kin sowesekin irail ni pali en lokaia, madmadau, oh mwadong ong ekei. Met pil iangahki puzzels, soai sang puppet, oh alu nan sahpw de wel.
Serihkan kin kaunopehng skuhl ni ahr kin esehla mehkot sang ahr kin esehla de wia mwadong! Song wia mwadong me kaperen pwe en kak sowese irail ni pali en madmadau, lokaia, oh kamwakid palin wererail. Met pil iangahki pali en eksperimend en sains, koasoaiahda soai, oh mwadongen inting.
Ma komw anahne ekei mengihtik me pid ansoukan me seri kin lel ni ehu ehu kendakehn keirda kohla nan CDC's Developmental Milestones