Koasoandihkan Ni Sounpar: Sounpar 1-2
Irehkan me re pahn anahne kasukuhlki oh esehla:
- Kaiahn en esehla lokaia (Kekeidahn Lokaia)
- Kisin kamwakid en peh (Koahiek en kamwakid mwusel en peh, sendin peh oh pikos en peh)
- Mwadongeng iengerailkan (Koahiek en patehng ekei aramas)
Iren kasusuhlkan de kamwadongkan
Kangongehki noumw seri me aluier de ese lokaia ren koasukada koakon de ploak ilihle. Met pahn sowese irail ren esehla doadoahngki pehrailkan oh meserailkan ansoutehiou oh mwomwen ahr pahn esehla apwalih de kamwahuila mehkot me sohte mwahu.
Wadek pwuhk me mengei me mie kilel lapala loale oh lepin lokaia. Met pahn sowese irail esehla de wehwehki lokaia
Koulki koulkan patehng kamwakid peh, duwehte "The Wheels on the Bus." Met pahn sowese irail kakoaiekih pehrail oh mwekid en pehrail oh lokaia.
Kiheng seri me ese alu oh lokaia kreion de marker oh indahng irail en inting mwahl seli. Met pahn sowese pehrail en esehla pein kamwakid pehrail mwahu.
Kiheng irail mehn mwadong en nan wasahn kuk de toahl pwe ren mwadohngki oh wia sounet de mwomwehda de alasang-wia mehkot. Met pahn sowese irail ren kak koaiek en pein medewehda wia mehkot oh esehla patehng ekei aramas.
Mwadong me mengei kin sowesehda seri en keirda mwahu! Soangen mwekid oh mwadong me pahn sowese irail esehla mwekid, keieng uhk, oh esehla me tohto sang ni ahr kehn de pehm mehkot. Met pil iangahki ansou en wonohn pohn kapehderail, keseng koul me malamal, oh mwadongki mehn mwadong.
Serihkan me koaiek en alu oh lokaiaier kin esehla oh koaiekla sang ni ahr kin mwadong! Iren mwadong me kaperenkan kin sowese irail en lokaia, doadoahngki pehrail, oh mwadongeng ekei. Met pil iangahki kosukda sin koakon de ploak, esehla koul, oh mwadong me alasang emen de kamwomwehda emen.
Ni soangen sounpar et, seri me koaiek en alu oh lokaiahier kin men esehla mehkot oh kin kehlail en mwekid! Soangen mwadong mengeikat kin sowese irail en kak esehla lokaia tohto, oh kin kahrehng ahr kin esehla mwadongehng iengerail.
Seri en Preskuhl kin pereniki esehda me tohto oh wiahda mehkot! Mwadong pwukat kin sowesekin irail ni pali en lokaia, madmadau, oh mwadong ong ekei. Met pil iangahki puzzels, soai sang puppet, oh alu nan sahpw de wel.
Serihkan kin kaunopehng skuhl ni ahr kin esehla mehkot sang ahr kin esehla de wia mwadong! Song wia mwadong me kaperen pwe en kak sowese irail ni pali en madmadau, lokaia, oh kamwakid palin wererail. Met pil iangahki pali en eksperimend en sains, koasoaiahda soai, oh mwadongen inting.
Ma komw anahne ekei mengihtik me pid ansoukan me seri kin lel ni ehu ehu kendakehn keirda kohla nan CDC's Developmental Milestones